Tamazight / ⵜⴰⵎⴰⵣⵉⵖⵜ

Deze Amazigh site zal de komende tijd worden aangevuld met tekst, luister- en video fragmenten.

Kan ik ziek worden of besmet raken van het coronavirus als ik spullen of oppervakken aanraak?

De Corona Hulplijn van het SMN is op werkdagen beschikbaar van 13.00 tot 16.00 op het landelijk bereikbare telefoonnummer 030-3050100.

ⴽⵓⵔⵓⵏⴰ ⴷ ⴰⴷⵡⴰⵙ

ⵍⴼⵉⵔⵓⵙ ⵏ ⴽⵓⵔⵓⵏⴰ ⴷ ⵉⵊ ⵏ ⵍⴼⵉⵔⵓⵙ ⵉⵜⴰⵡⵉⴷ ⵔⴻⵀⵔⴰⵛ ⵓⵎⵉ ⵇⵇⴰ ‘COVID-19’. ⵕⴻⵀⵔⴰⵛⴰ ⵉⵜⴻⴳ ⵜⵉⵎⴻⵙⵙⵉ ⵜⴰⵚⴻⵎⵎⴰⵜ ⵓ ⵉⵙⵎⴰⵔⴰⵜ ⴷⵉ ⵜⴰⵎⵡⴰⵔⵉⵏ ⵏ ⵏⵏⴻⴼⵙ. ⵕⴻⵀⵔⴰⵛⴰ ⵉⵜⵛⴻⴽⴽⴰⵍ ⵍⵅⴰⵟⴰⵔ ⵉⵎⵖⴰⵔ ⵅ ⵉⵡⴻⵙⵙⵓⵔⴰ ⴷ ⵉⵡⴷⴰⵏ ⵎⵉⴷⵉ ⵉⴵⴰ ⵛⴰ ⵏ ⵔⴻⵀⵔⴰⵛ ⵏⵏⴻⵖⵏⵉ. ⴷⵉ ⵡⵔⴰⵇⴰ ⴰⴽⵓⵎ ⵏⵛⴰⵔⴻⵃ ⵎⴰⵏⴰ ⴽⵜⴰⵔ ⵅ ⵔⴻⵀⵔⴰⵛⴰ.

Kuruna d adwas
Lfirus n Kuruna d ij n lfirus itawid rehrac umi qqa ‘COVID-19’. Rehraca iteg Timessi tasemmat u ismarat di tamwarin n nnefs. Rehraca itcekkal lxatar imghar x iwessura d iwdan midi idja ca n rehrac nneghni. Di wraqa akum ncareh mana ktar x rehraca.

ⴽⵓⵔⵓⵏⴰ ⴷ ⵍⵎⴻⵔⵔⵓⴽ

ⵜⴰⵎⵎⵓⵔⵜ ⵏ ⵍⵎⴻⵔⵔⵓⴽ ⵜⴻⵇⵇⴻⵏ 15 ⵣⵉ ⵎⴰⵔⵙ ⵉⴳ ⵄⴷⴰⵏ ⴰⵊⴻⵏⵏⴰ ⵏⵏⴻⵙ ⵃⵎⴰ ⴰⵜⴻⵙⴱⴻⴷ ⵍⴼⵉⵔⵓⵙ ⵏ ⴽⵓⵔⵓⵏⴰ. ⵔⴰ ⴷⵉ ⵜⵎⵓⵔⵜ ⵉⴱⴻⵍⵍⴻⵄ ⵍⵎⴻⵔⵔⵓⴽ ⵉⵢⵎⴰⵔⴻⵏ ⵏⵏⴻⵙ. ⵡⴰⵔ ⵉⵣⴻⵎⵎⴰⵔ ⵃⴻⴷ ⴰⴷ ⵢⴰⵔⴷⴻⴼ ⵜⴰⵎⵎⵓⵔⵜ ⵔⴰ ⵣⵉ ⵔⴱⴰⵔ ⵡⴰⵔⴰ ⵣⵉ ⵉⵍⵍ/ⵔⴻⴱⵃⴰⵔ. ⵓⵔⴰ ⵣⵉ ⵜⵉⵖⴻⵔⵎⴰ ⵏⵉⵖ ⵜⵉⵏⴻⴷⴷⴰⵎ ⵎⵔⵉⵞ ⴷ ⵙⴻⴱⵜⴰ ⵡⴰⵔ ⵜⵣⴻⵎⵎⴰⴷ ⴰⵜⴰⴷⴼⴻⴷ. ⴷⵉ ⵔⴰⵇⵇⴰ ⴰⵏⴻⵙⵙⴰⵔⵙ ⵣⵉ ⵙⵙⴰ ⵜⵙⴰⵡⴻⵏⵜ ⵎⴰⵔⵔⴰ ⵎⵉⵏ ⵉⵜⴱⴻⴷⴷⴰⵔⴻⵏ ⴷⵓ ⵎⴰⵏⴰⵡⵢⴰ.

Tammurt n Lmerruk teqqen 15 mars ig 3dan ajenna nnes hma atesbed lfirus n Kuruna. Ura di tmurt ibelle3 Lmerruk iymaren nnes. War izemmar hed ad yardef tammurt ra zi rbar wara zi ill/rebhar. Ura zi tigherma nigh tineddam Mritc d Sebta war tzemmad atadfed. Di raqqa anessars zi ssa tsawent marra min itbeddaren di manawya.

ⴽⵓⵔⵓⵏⴰ ⴷ ⵜⵓⵎⴻⵙⵔⴻⵏⵜ

ⵅⵎⵉⵏ ⵉⵜⴰⴼ ⴱⵏⴰⴷⴻⵎ ⵣⵉⵢⵢⴰⵔ ⵉⵜⴰⵡⵉⴷ ⵓⵜⴰⵔⴰⵙ ⵊⵊⴻⵀⴷ ⵏⵏⴻⵙ ⵣⵉ ⴷⴷⵉⵏ ⵏⵏⴻⵙ. ⵓⵔⴰ ⴷⵉ ⵣⵎⴰⵏ ⵏ ⴽⵓⵔⵓⵏⴰ ⴰⵎⴻⵏⵏⵉ. ⵎⴰⵛⴰ ⴷⵉⵏ ⴰⵟⵟⴰⵙ ⵉⵙⴻⵇⵙⴰⵏ ⵉⵢⴻⵇⵏⴻⵏ ⵖⴰⵔ ⵎⴰⵏⴰⵡⵢⴰ. ⴷⵉ ⵔⴰⵇⵇⴰ ⴰⵏⴻⵙⵙⴰⵔⵙ ⵣⵉ ⵙⵙⴰ ⵜⵙⴰⵡⴻⵏⵜ ⵎⴰⵔⵔⴰ ⵎⵉⵏ ⵉⵇⵏⴻⵏ ⵖⴰⵔ ⴷⴷⵉⵏ.

Kuruna d tumesrent
Xmin itaf bnadem ziyyar itawid utaras jjehd nnes zi ddin nnes. Ura di zman n Kuruna amenni. Maca din attas iseqsasen iyeqnen ghar manawya. Di raqqa anessars zi ssa tsawent marra min iqnen ghar ddin.

ⵜⵉⵅⴻⵚⵓⵔⴰ ⴷ ⵔⵅⴻⴷⵎⴻⵜ

ⵉⵣⴻⵔⴼⴰⵏ ⵉⴷ ⵢⴻⴼⵖⴻⵏ ⴷⵉⵎⴰⵢⵏⵓⵜⴻⵏ ⵅ ⵍⴼⵉⵔⵓⵙ ⵏ ⴽⵓⵔⵓⵏⴰ ⵡⵡⵉⵏⴷ ⵜⵉⵅⴻⵙⵙⵓⵔⴰ ⵎⵖⴰⵔⴻⵏⵜ. Iⵢⴻⵔⵎⴰⵙⴻⵏ ⴷ ⵢⴻⵏ ⵉⵅⴻⴷⴻⵎⵏ ⵖⴰⵔ ⵉⵅⴼ ⵏⵙⴻⵏ ⵉⵏⴻⵇⵙⴰⵙⴻⵏ ⴰⵔⴱⴻⵃ. ⵢⵉⵏⴰ ⵜⵙⴻⵇⵙⴰⵏ ⵅⴻⵣⵣⴰⵏ ⵎⴰⵎⵎⴻⵛ ⵖⴰ ⴼⴻⴽⴽⴻⵏ ⵎⴰⵏⴰⵡⵢⴰ ⵎⵉⴷⵉ ⴵⴰⵏ. ⴷⵉ ⵔⴰⵇⵇⴰ ⴰⵜⴰⴼⴻⵎ ⵉⵣⴻⵔⴼⴰⵏ ⵉⵢⴻⵇⵏⴻⵏ ⵖⴰⵔ ⵔⵅⴻⴷⵎⴻⵜ ⴷ ⴽⵓⵔⵓⵏⴰ. ⵃⵎⴰ ⴰⵜⴻⵙⵏⴻⴷ ⵎⴰⵏⴰ ⴽⵜⴰⵔ ⵅⵣⴰⵔ ⴷⵉ ⵔⴰⵇ ⵏ ⴽⵓⵔⵓⵏⴰ ⵖⴰⵔ ‘KVK’.

Tixessura d rxedmet
Izerfan id yefghen dimaynuten x lfirus n Kuruna wwind tixessura mgharent. Iyermasen d yen ixedemn ghar ixf nsen inesasen arbeh. Yina tseqsan xezzan mammec gha fekken manawya midi djan. Di raqqa atafem izerfan iyeqnen ghar rxedmet d Kuruna. Hma atesned mana ktar xzar di raq n Kuruna ghar KVK.

ⵜⵉⵅⴻⵚⵓⵔⴰ ⴷ ⵉⵎⴰⵡⴰⵚⴻⵏ

ⵜⵉⴼⴻⵇⵇⴻⵃⵜ ⵏ ⴽⵓⵔⵓⵏⴰ ⵜⵓⵛⴰⵙ ⵜⵉⵛⵜⵉ ⵉ ⵔⴻⵎⵄⴰⵡⵏⴻⵜ ⵛⴰ ⵖⴰⵔⵙⴻⵏ ⵖⴰⵔ ⵢⴻⵡⴷⴰⵏ ⵡⴰⵔ ⵉⵣⴻⵎⵎⴰⵏ ⵛⴰ. ⵔⴻⵎⵄⴰⵡⵏⴻⵜ ⵛⴰ ⵖⴰⵔⵙⴻⵏ ⵖⴰⵔ ⵉⵡⴷⴰⵏⴰ ⵡⴰⵔ ⵜⴻⵇⵇⵉⵎ ⵎⵉⵏⵣⵉ ⵢⴻⵏⵇⴻⵙ ⵓⵎⵙⴰⴳⴰⵔ ⵊⴰⵔ ⵉⵡⴷⴰⵏ. ⴱⵔⴰ ⴰⵏⴻⵡⵊⵉⵡ ⵖⴰⵔ ⴰⵢⴰⵡⵢⴰ ⴷ ⵓⵎⵙⴰⵡⴰⴷ ⴰⴳ ⴰⵢⴰⵡⵢⴰ ⵢⵓⵄⴰⵔ ⵔⵃⴰⵔ ⴰⵜ ⵄⴰⵡⵏⴻⴷ ⵉⵡⴷⴰⵏⴰ. ⵎⵉⵏ ⵏⵣⴻⵎⵎⴰⵔ ⴰⵏⴻⴳ ⵉ ⵡⴰⵢⴰⵡⵢⴰ ⴰⵜⴰⴼⴻⴷ ⴷⵉ ⵔⴰⵇⵇⴰ.

Tixessura d imawasen
Tifeqqeht n Kuruna tucas ticti i rem3awnet ca gharsen gha yewdan war izemman ca. Rem3awnet ca gharsen ghar iwdana war teqqim minzi yenqes umsagar jar iwdan. Bra anewjiw ghar ayawya d umsawad ag ayawya yu3ar rhar at 3awned iwdana. Min nzemmar aneg i wayawya atafed di raqqa.

ⵜⵡⵉⵣⴰ ⴰⴳ ⴰⵢⴰⵡⵢⴰ

ⵉⵣⴻⵔⴼⴰⵏ ⵉⴷ ⵢⴻⴼⵖⴻⵏ ⴷ ⵉⵎⴰⵢⵏⵓⵜⴻⵏ ⵔⴻⵇⴼⴻⵏ ⴰⵟⵟⴰⵚ ⵏ ⵏⵉⵡⴷⴰⵏ ⵉⵡⴰⵔ ⵉⵣⴻⵎⵎⴰⵔⴻⵏ ⵛⴰ. ⵣⵣⴰⵢⵙⴻⵏ ⴰⵟⵟⴰⵚ ⵏ ⵉⵡⴻⵙⵙⵓⵔⴰ ⵉⵎⴰⵔⴰⴽ. ⵎⴰⵛⴰ ⵡⴰⵔ ⵏⵜⴻⵜⵜⵓ ⵛⴰ ⵉⵡⴷⴰⵏ ⵉⴷⴷⴰⵔⴻⵏ ⴷⵉ ⵣⵔⴻⴷ ⴷ ⵉⵎⴰⵔⵡⴰⵚⴻⵏ, ⵉⵡⴷⴰⵏ ⵉⵀⴻⵔⵛⴻⵏ ⴷⵉ ⵉⵎⴰⵏ ⵏⵙⴻⵏ, ⵜⵉⵡⴰⵛⵓⵏⵉⵏ ⵎⵉⵅⴻⴼ ⵉⵜⵡⴰⴱⴻⵍⵍⴻⵄ ⵓⵛⴰ ⵎⵙⴻⵔⵇⴰⵏ ⴰⴳ ⴰⵄⵎⵓⴷ ⴷⵉ ⵜⵓⴷⵔⵉⵏ ⵏⵙⴻⵏ. ⵎⴰⵛⴰ ⵡⴰⵔ ⵏ ⵇⴻⵜⵜⴻⵄ ⴱⵓ ⵔⴰⵢⴰⵙ, ⵄⴰⴷ ⴵⴰⵏ ⵉⵡⴷⴰⵏ ⵜⵄⴰⵡⴰⵏⴻⵏ ⵎⵉⵏ ⵓⵎⵉ ⵣⴻⵎⵎⴰⵔⴻⵏ. ⵎⴰⵔⴰ ⵜⴻⵅⵙⴻⴷ ⵔⴰ ⵛⵛⴻⴽ/ⵛⴻⵎ ⴰⵜⵄⴰⵡⵏⴻⴷ ⴰⵇⴰ ⴷⵡⴰ ⵔⴰⵇ ⵎⴰⵏⵉ ⵖⴰⵔ ⵜⴰⵣⵓⴷ. 

Twiza ag ayawya
Izerfan id yefghen d imaynuten reqfen attas n iwdan iwar izemmaren ca. Zzaysen attas n iwessura imarak. Maca war ntettu ca iwdan iddaren di zred d imarwasen, iwdan ihercen di iman nsen, tiwacunin mixef itwabelle3 uca mserqan ag a3mud di tudrin nsen. Maca war n qette3 bu rayas, 3ad djan iwdan t3awanen min umi zemmaren. Mara texsed ra ccek/cem at3awned aqa dwa raq mani ghar tazud.

ⵙⵉⵡⴻⵔ ⴰⴳ ⵉⵡⴷⴰⵏ ⵏ 'ⵙⵎⵏ

ⴰⵟⵟⴰⵚ ⵏ ⵉⵡⴷⴰⵏ ⵣⵉ ⵡⴰⵢⴷⵓⴷ ⵏⵏⴻⵖ ⵜⵔⴻⵇⴼⵉⵜⴻⵏ ⵜⵉⴼⴻⵇⵇⴻⵀⵜ ⵏ ⵅⵓⵔⵓⵏⴰ. ⵡⵡⵉⵏⴷ ⵣⵣⴰⵢⴻⵙ ⵜⴰⵅⴻⵚⵚⴰⵔⵜ. ⵉⵎⵎⴰ ⵎⵉⵏⵣⵉ ⴰⵄⴰⵔⵡⴻⵏ ⵣⵖⴰⵔ ⴱⴰⵔⴰ ⵡⴰⵔ ⵢⴻⵇⵇⵉⵎ ⵏⵉⵖ ⵜⴰⵔⵡⴰ ⵏⵉⵖ ⴷ ⴰⵢⵢⴰⵡⴻⵏ ⵏⵙⴻⵏ ⵡⴰⵔ ⵇⵇⵉⵎⴻⵏ ⵜⴰⵙⴻⵏⴷ ⵖⴰⵔⵙⴻⵏ. ⵜⴰⵣⵣⵓⴷ ⵍⵎⵓⵄⴰⵡⴰⵏⴰ ⴷⵉ ⵛⴰ ⵏⵉⵖ ⵜⴰⵣⵣⵓⴷ ⵡⵉⴽⴻⴷ ⵖⴰ ⵜⴻⵙⵙⵉⵡⵔⴻⴷ ⵛⵡⴰⵢ ⵏⵉⵖ ⵜⴰⵣⵣⵓⴷ ⴰⵜⴰⵣⴻⴷ ⵛⵡⴰⵢⵜ ⵏ ⵜⴻⵖⵎⴻⵙⵜ? ⵚⵓⵏⴰⵖⴷ ⵓⵛⴰ ⴰⵏⴻⵙⵙⵉⵡⴻⵔ. ⵏⵏⴻⵎⵔⴰ ⵏ ‘Hulplijn

Siwer ag iwdan n SMN
Attas n iwdan zi waydud nnegh treqfiten tifeqqeht n Kuruna. Wwin zzayes taxessart. Imma minzi a3arwen zghar bara war yeqqim nigh tarwa nigh d ayyawen nsen war qqimen tasend gharsen. Tazzud lmu3awana di ca nigh tazzud atessiwred ag hed nigh atazed cwayt n teghmest? Din attas n rehwayej iyeqnen ghar Kuruna mixef nzemmar anessiwer. Sunaghd uca anessiwer. Nnemra n Hulplijn

De Corona Hulplijn van het SMN is op werkdagen beschikbaar van 13.00 tot 16.00 op het landelijk bereikbare telefoonnummer 030-2367327.